«Білегіне дейін»: Түркістан облысында 1 жастағы баланың қолын еттартқыш шайнап кетті

7 қыркүйек күні Төле би ауданы, Көксәйек ауылында бір жасар бала ауыр жарақат алды. Ата-анасы үйде қысқа әзірлік жасап жатқан сәтте сәби қолын еттартқышқа тығып жіберген, деп хабарлайды POLITICO.KZ.

Бұл туралы Kop soz телеграм арнасы мәлімдеді.

«Қолы шынтақтан төменге дейін жаншылып, саусақтар мен алақан сүйектері түгелдей үгітілген. Қолды сақтап қалу мүмкін болмады. Еттартқышта ол тек терімен ғана ілініп тұрған», – деп дәрігер сұмдық жайттың мән-жайын баяндады.

Нәтижесінде қолды шынтақтан төменге дейін кесіп тастауға тура келді. Дәрігерлердің айтуынша, қазір бала жансақтау бөлімінен шығарылды, жағдайы тұрақты ауыр деп бағалануда.