Бірніші тоқсанның каникул уақыты белгілі болды

Қазақстандық оқушылар күзгі демалыста 7 күн демалады, деп хабарлайды POLITICO.KZ.

Қазақстан Республикасының Оқу-ағарту министрлігі мектеп оқушыларының күзгі демалыс күндерін бекітті. Бірінші тоқсанның аяқталуына орай берілетін демалыс 7 күнге созылады.

Биыл оқушылар 27 қазаннан бастап 2 қарашаны қоса алғанда демалады. Оқу жылының бірінші тоқсанындағы соңғы оқу күні – 24 қазан (жұма). Екінші тоқсан 3 қарашада басталады.

Демалыс кезінде оқушылардың бос уақытын тиімді өткізу мақсатында министрлік «Адал азамат» біртұтас тәрбие бағдарламасы аясында арнайы іс-шаралар жоспарын ұсынды.