Боксшы Қамшыбек Қоңқабаев спортты тастады

Токио олимпиадасының қола жүлдегері, танымал боксшы Қамшыбек Қоңқабаев спорттағы мансабын аяқтады. Бұл туралы Қазақстан ұлттық құрамасының бас бапкері Қайрат Сәтжанов мәлімдеді, деп хабарлады POLITICO.KZ.

Қамшыбек Қоңқабаев - кәсіпқой және әуесқой боксшы. Қазақстанның еңбек сіңірген спорт шебері, Токио Олимпиадасының қола жүлдегері, Әлем чемпионатының екі дүркін күміс жүлдегері (2017, 2019), Азия чемпионатының үш дүркін күміс жүлдегері (2017, 2019, 2021), Дүниежүзілік әскери ойындарының күміс жүлдегері (2015), әскери қызметшілер арасындағы әлем чемпионы (2014), Болгарияда халықаралық турнирдің жеңімпазы (2015), ҚР спартакиадасының чемпионы (2015), әуесқойлар арасында ұлттық біріншіліктің чемпионы және жүлдегері атанған.