Борамбаевтың орнына Мұстабеков келді: Тоқаев жаңа орынбасарды тағайындады

Мемлекет басшысы Қасым-Жомарт Тоқаевтың өкімімен генерал-майор Асқар Мұстабеков Қорғаныс министрінің орынбасары лауазымына тағайындалды, деп хабарлайды Politico.kz

Жаңа қызметке ауысуына байланысты ол Қазақстан Республикасы Ұлттық қорғаныс университетінің бастығы міндетінен босатылды. Асқар Досбосынұлы бұған дейін аталған оқу орнында оқу ісі жөніндегі бастықтың бірінші орынбасары - оқу-әдістемелік басқармасының бастығы болған. Генералдың философия докторы (PhD) ғылыми дәрежесі бар.

Еске салайық Мемлекет басшысы жақында ғана осыған дейін министрдің орынбасары болған Серік Жақсығалиұлы Борамбаевты қызметінен босатқан еді. Борамбаев бұл лауазымда 4 ай ғана жұмыс істеп үлгерген.

Асқар Мұстабеков Серік Борамбаев Қасым-Жомарт Тоқаев Қорғаныс министрлігі