Боранбаевтың бұрынғы сауда орталығында не ашылмақ?

Алматының қақ ортасында орналасқан, көп жылдан бері бос тұрған «Алмалы» сауда және ойын-сауық орталығы қайта жандандырылады. Кезінде скандалды кәсіпкер Қайрат Боранбаевтың меншігінде болған бұл ғимарат күрделі жөндеуден өтіп, жаңа форматта қызмет көрсетуге дайындалуда, деп хабарлайды POLITICO.KZ.

Жаңғырту жұмыстарына миллиардтаған теңге бөлінген. Жоба аясында ғимараттың құрылымы мен дизайны жаңартылып, заманауи талаптарға сәйкес келетіндей өзгерістер енгізілмек.

«Алмалы» СОО бұрын Алматының ең танымал орталықтарының бірі болған. Бірақ, иесінің заңды мәселелеріне байланысты ұзақ уақыт бойы бос тұрды. Енді қайта жөндеу жұмыстары аяқталған соң, бұл орын жаңа сауда алаңдары, мейрамханалар мен ойын-сауық аймақтары ретінде ашылады деп күтілуде.

СОО қаланың ең көрнекті жерінде – Алматы әкімдігіне қарсы бетте орналасқандықтан, оның қайта ашылуы қаланың көрікті жерлерінің біріне айналуы мүмкін.

Ақпарат ZTB | QAZAQSTAN арнасынан алынған.