Дәрігерлер әйелді босандыру кезінде сәбиінің қолын жұлып алған

Новокузнецк қаласында әйел адам медициналық қызметкерлерді өзінің әпкесінің жаңа туған нәрестесіне дұрыс көмек көрсетпей, оның қолын жұлып алған деп айыптады. Салдарынан нәресте көз жұмған. Бұл туралы «Кемерово №1» Telegram-арнасы хабарлады.

Зардап шеккен әйелдің туысы — жергілікті тұрғынның айтуынша, оның әпкесі жүктіліктің бастапқы кезеңінде толғақпен ауруханаға жеткізілген. Әйелдің сөзінше, босану кезінде дәрігерлер сәбидің қолын жұлып алған, бұл оқиға нәрестенің өліміне алып келген.

Аталған жағдайға байланысты Ресей Тергеу комитетінің төрағасы Александр Бастрыкин қылмыстық іс қозғауды тапсырды. Ол көрсетілген медициналық көмектің сапасына байланысты барлық мән-жайды анықтап, тиісті баяндама ұсынуды бұйырды. Тергеу комитетінің орталық аппараты бұл істі жеке бақылауына алды.

Қазіргі таңда құқық қорғау органдары 293-бабы («Салғырттық») бойынша тексеру жүргізіп жатыр.