Димаш Құдайберген халықтан сүйінші сұрады

Димаш Құдайберген қазақстандық оқушыларды робототехника бойынша FIRST Global Challenge 2025 халықаралық олимпиадасындағы төртінші рет қатарынан жеңіске жетуімен құттықтады, деп хабарлайды POLITICO.KZ.

Өнер иесі өз Instagram парақшасында жеңімпаздармен бейнежазба жариялап, ізгі лебізін білдірді.

«Бұл жеңіс – еліміздің білім мен ғылымға деген шынайы ұмтылысының, жастарымыздың жоғары рухы мен еңбексүйгіштігінің айғағы. Бүгінгі жетістік – тек Қазақстанның ғана емес, бүкіл әлем жастары үшін үлгі.

Ғылым мен технология – ұлт дамуының басты тіректері. Барлық қазақстандық жастарға білім мен ғылым жолын таңдаған саналы ұрпақ болуды тілеймін!», – деп жазды әртіс.