Екі тарап та келіспейді: Руслан Берденовтің ісі қайта қаралады

Шымкент қаласының бұрынғы әкімінің орынбасары Руслан Берденовке қатысты шулы іс бойынша сотталған Ернар Жиембайдың үкіміне екі тарап та шағымданды. Енді бұл істі қалалық соттың апелляциялық сатысы қарайтын болады.

Қалалық соттың баспасөз қызметі Kazinform агенттігінің ресми сауалына жауап ретінде апелляциялық шағымды екі тараптың да түсіргенін растады.

«Апелляциялық шағымдарды қарау 8 қазан күні сағат 12:00-ге Шымкент қалалық сотының ғимаратында белгіленді», — деп хабарлады сот өкілдері.

Естеріңізге сала кетейік, бұл іс бойынша сот процесі 20 тамызда аяқталған болатын. Сол кезде ауданаралық қылмыстық істер жөніндегі сот Ернар Жиембайды орташа қауіпсіздік мекемесінде 9 жылға бас бостандығынан айыруға үкім кескен еді.