Елдос Қоспаев 15 жылға сотталды

Астананың қылмыстық істер жөніндегі мамандандырылған ауданаралық соты Елдос Қоспаевқа үкім шығарды, деп хабарлайды POLITICO.KZ.

Ол 15 жылға бас бостандығынан айырылды.

Еске сала кетейік, Елдос Қоспаев пен оның ұйымдасқан қылмыстық тобы 2023 жылдың қыркүйек айында Солтүстік Кипрден Қазақстанға экстрадицияланған болатын. Олар рейдерлік және ұйымдасқан қылмыстық топ құру мен оған қатысу бойынша айыпталған.

Қаржылық мониторинг агенттігінің мәліметінше, Қоспаевтың тобына 11 адам кірген. Олар келесі компанияларды заңсыз иемденгені үшін күдікке ілінді:

• AV-Construction;
• Profit Trade LTD;
• Azovita Aktau;
• Azovita Atyrau.

Қоспаев 7 жылға сотталған кәсіпкер Алмас Абдығаппаровтың бизнесінің 75%-ын сенімді өкілдері арқылы иемденген. Кейін қысым көрсету арқылы оның анасынан қалған 25%-ды да тартып алған.

Бұл қылмыстық істің тергеуі 2024 жылдың көктемінде аяқталды. Сот шешімі бойынша Қоспаев ұзақ мерзімді жазасын қатаң тәртіптегі колонияда өтейтін болады.