Енді 140 литрден көп су тұтынсаңыз құнын 30%-ға көп төлейсіз

13 қыркүйектен бастап Қазақстанда әр азаматқа тәулігіне 140 литр су пайдалану нормасы енгізілмек.

Егер бұл көлемнен артық жұмсалса, артық шығын 30 пайызға қымбат тарифпен есептелетін болады. Экология министрлігінің мәлімдеуінше, жаңа тәртіп суды үнемдеуге және мемлекеттік бюджет шығынын азайтуға бағытталған. Сарапшылардың айтуынша, бір адамға күн сайын 100–120 литр су жеткілікті, сондықтан белгіленген көлем тұрмыстық қажеттілікті толық қамтиды.

Жаңа талап алдымен қалаларда қолданысқа енеді, өйткені ауылдық елді мекендерде су есептегіш құралдар толық орнатылмаған.

Бұл ереже тек тұрғындардың тұрмыстық қажеттілігіне қатысты болып, ауыл шаруашылығы мен өндіріс орындары үшін бөлек нормалар сақталады.