Енді дәрігерге шабуыл жасағандар 15 жылға дейін сотталуы мүмкін

Елімізде ақ халаттыларға шабуыл жасағандарға жаза күшейтіледі. Бұл туралы Денсаулық сақтау министрі Ақмарал Әлназарова айтты, деп хабарлайды POLITICO.KZ. 

Күзде Парламентте дәрігерлерге қоқан-лоқы көрсету мен шабуыл жасауға қатысты қылмыстық жауапкершілікті күшейтетін заң жобасы қаралады.

Енді адам:

Бір дәрігерге шабуыл жасаса – 2 жылдан 7 жылға дейін;

Төтенше жағдай кезінде болса - 10 жылға дейін;

Бір топ дәрігерге шабуыл жасаса – 15 жылға дейін сотталады. 

Еске салайық, кеше, 23 маусым күні Президент дәрігерлерге шабуыл жасағандардың жазасын күшейтуді тапсырды.