Ер адам туған анасын өртеп жіберді

Әзербайжанның Әбшерон ауданындағы Хёкмяли кентінде қайғылы оқиға орын алды – ер адам өз анасын тірідей өртеп жіберді.

Бұл туралы Xəzər Xəbər хабарлайды.

Алдын ала мәліметтер бойынша, Абдулрахман Гасанлы алдымен анасы Гюльбяс Гасанова екеуі бірге тұрған үйді өртеп, кейін әйелдің өзін де өртеген.

Оқиғаның туындауына отбасы ішіндегі жанжал себеп болғаны айтылуда. Марқұмның қызы Фатима Гасанлының айтуынша, күдікті – оның бауыры – нашақорлыққа тәуелді болған.

Қазіргі уақытта Абдулрахман Гасанлы құқық қорғау органдары тарапынан ұсталып, тергеу мекемесіне тапсырылды. Әзербайжан Бас прокуратурасы 7 шілде күні Гюльбяс Гасанованың алған күйік жарақаттарынан ауруханада көз жұмғанын растады.

Аталған факті бойынша Қылмыстық кодекстің 126.3-бабы (денсаулыққа қасақана ауыр зиян келтіру, салдарынан абайсызда жәбірленушінің өліміне әкеп соғу) бойынша қылмыстық іс қозғалды.