Ерке Есмахан: Бүгін мен тудым

Танымал әнші Ерке Есмахан тұңғышы Мүслімнің мүшел жасқа толуына орай әлеуметтік желіде жүрекжарды жазба арнады, деп хабарлайды POLITICO.KZ.

«Ал мен бүгін тудым. 13 жыл бұрын дәл осы баланы тудым. Ішімдегі әлі шықпады. Жаным, балам, туған күнің құтты болсын! Ақылды, денің сау, иманды бол. Біз сені жақсы көреміз. Папаң екеуміздің үмітімізді ақта», – деп жазды Ерке Есмахан.

Өнер иесінің күйеуі, әнші Райм да ұлына жылы лебізін білдірді.

«Алғашқы мүшел жасың құтты болсын. Берекелі ақыл толар, қуанышқа толы болсын, балам! Өміріңе дұрыс бастау болсын. Біз әрдайым сенімен біргеміз, қолдаймыз, саған сенеміз!», – деп жазды ол өз парақшасында.