Ерлі-зайыптылар көршісін өлтіріп, денесін аулаға көміп тастаған

Бакудің Саңғачал елдімекенінде көршісін өлтірді деп айыпталған Эльшан Музаффаров, оның жұбайы Гүлнар Музаффарова және Ғасым Ханкишиевке қатысты қылмыстық іс бойынша алдын ала сот тыңдауы басталды, деп хабарлайды POLITICO.KZ Oxu.Az сайтына сілтеме жасап.

Алғашқы отырыс Бакудің аса ауыр қылмыстар жөніндегі сотында судья Фахри Мамедовтың төрағалығымен өтті. Онда айыпталушылардың адвокаттары сот процесіне журналистерді қатыстыру туралы өтініш білдірді. Алайда сот бұл мәселені кейінгі кезеңдерде қарастыратынын хабарлады.

Отырыста айыпталушылардың жеке деректері нақтыланып, қамауға алу түріндегі бұлтартпау шарасы өзгеріссіз қалдырылды. Іс сот тергеуіне берілді.

Бірінші негізгі сот отырысы 15 сәуірге белгіленген.

Оқиға 2023 жылы Баку қаласының Қарадағ ауданына қарасты Саңғачал кентінде орын алған. Тергеу деректеріне сәйкес, жергілікті тұрғын Сахават Исмайылов (1986 ж.т.) өз үйінің ауласында көршілері – Эльшан Музаффаров (1995 ж.т.) пен оның әйелі Гүлнар Музаффарова (1997 ж.т.) тарапынан тұншықтырып өлтірілген.

Марқұмның денесі үйдің ауласында көмілген, ал ерлі-зайыптылар қылмыс жасалғаннан кейін ұсталды. Кейінірек тергеу барысында оқиғаға қатысы бар үшінші күдікті – Ғасым Ханкишиев те анықталып, қамауға алынған.

Үшеуіне де Әзірбайжан Республикасының Қылмыстық кодексінің 120.2.1-бабы бойынша айып тағылған: