"Ешкім ештеңе бермейді": Президент жастарды көп жалақыдан үміттенбеуге шақырды

Беларусь Президенті Александр Лукашенко жастарды жалақының өсуіне үміт артып, соған ғана сеніп отыра бермеуге шақырды. Ол бұл туралы Минск қаласында өткен Балалар мен жастардың техникалық шығармашылық орталығының ашылу рәсімінде айтты.

Мемлекет басшысы орталықтың ашылуында жиналған жас белорустармен ресми емес, еркін форматта әңгімелескен.

«Бұл — он-он бес жылдан кейін елдің дамуына тікелей үлес қосатын жастар. Мұны мемлекет басшысы жақсы түсінеді. Енді мұны олардың өздері де түсінуі керек — неліктен мұның бәрі жасалып жатқанын білуі қажет», — делінген телеарна материалында.

Бұқаралық ақпарат құралдары атап өткендей, кездесуде Лукашенконың «ешкім ешкімге жайдан-жай ештеңе бермейді» деген сөзі интернетте кеңінен тарап, вирусқа айналды.