Еті адал ма? Желіде сайғақ аулау видеосы тарады

Журналист әрі сарапшы Кирилл Павлов өзінің Telegram-арнасында Қазақстандағы сайғақ аулау сәті түсірілген видео жариялады, деп хабарлайды POLITICO.KZ.

Бейнежазбада аңшылардың күндіз мотоциклмен сайғақ табынын қуып, алдын ала дайындалған торға түсіретіні байқалады. Кадрларда жерге құлаған және қозғалыссыз жатқан сайғақтар де көрініс тапқан.

Бұл жағдай көпшіліктің наразылығын тудырды. Әсіресе соңғы айларда кейбір қалаларда сайғақ етінің сатылымға шыққаны және жекелеген мейрамханалардың мәзіріне енгізілгені қоғамда талқылау туғызған еді.

Журналист Павлов осы жазбаны жариялай отырып, халал талаптарына сай ма, жоқ па деген сұрақ қояды.