Еуроодақ Қазақстандағы ресейлік банкке санкция салды

Қазақстандағы Ресей банкінің еншілес ұйымына Еуроодақ санкция салды, деп хабарлайды POLITICO.KZ.

Еуропалық одақ 2025 жылы Ресейдің ВТБ банкінің Қазақстандағы еншілес ұйымын ВТБ Қазақстанды 19-бейне санкциялар пакеті аясында тізімге қосты. Шектеу шаралары 2025 жылдың 2 желтоқсанынан бастап күшіне енеді.

Бұл санкциялар банктің Еуропа елдеріндегі серіктестерімен кез келген есеп айырысуына тыйым салады. Нәтижесінде қаржы ұйымының халықаралық операцияларға, әсіресе еуро мен доллардағы төлемдерге қатысуы шектелмек.

Алайда Қаржы министрі Ерұлан Жамаубаев бұл жағдай елдің қаржы жүйесіне теріс әсер етпейді деп сендірді.

«ВТБ арқылы операциялар іс жүзінде жүргізілмейді. Сондықтан оның елдің қаржылық тұрақтылығына айтарлықтай ықпалы жоқ. Экономика үшін алаңдайтындай себеп көріп тұрған жоқпын. Кез келген банк, Құдай сақтасын, қиындыққа ұшыраса немесе банкрот болса, Қазақстанда депозиттерді кепілдендіру жүйесі бар. Ол заң аясында толық жұмыс істейді», - деді министр.

Жамаубаев үкімет банк секторының жағдайын жіті бақылап отырғанын және қажет болған жағдайда клиенттердің мүддесін қорғау үшін шара қабылданатынын атап өтті.