Футболшы Ғалымжан Кенжебек шаңырақ көтерді

Футболдан Қазақстан ұлттық құрамасының шабуылшысы, «Елімай» клубының форварды Ғалымжан Кенжебек өміріндегі маңызды оқиғамен бөлісті. Спортшы сүйіктісімен некесін қиды. Бұл жаңалықты футболшының өзі және «Елімай» клубының баспасөз қызметі мәлім етті, деп хабарлайды POLITICO.KZ

Клуб ресми парақшасында: «Ғалымжан Кенжебек шығысымыздың аруымен үлкен өмірге қадам басты», – деп жазды.

Өткен маусымда Кенжебек Қазақстан премьер-лигасында «Елімай» сапында 11 матчқа қатысып, 6 гол соқты және 4 нәтижелі пас берген. Сонымен қатар 2025 жылы ұлттық құрама құрамында тоғыз ойында алаңға шығып, үш голдың авторы атанып, бір нәтижелі әрекетпен көзге түсті.

#«Қайрат» футбол клубы билет сатылымына қатысты тараған ақпаратты жоққа шығарды «Қайрат» футбол клубы УЕФА Чемпиондар лигасы аясында «Реал Мадрид» командасымен өтетін ойынға билеттердің сатылуы немесе алдын ала брондалуы туралы әлеуметтік желілерде тараған мәліметтердің шындыққа жанаспайтынын ресми түрде хабарлады. Клубтың мәліметінше, жанкүйерлер билетке қатысты кез келген ақпаратты тек ресми дереккөздерден – клубтың интернет-ресурсы мен әлеуметтік желілердегі парақшаларынан алуы тиіс. Қазіргі уақытта билеттердің сатылымға шығатын күні мен олардың бағасы бекітілмеген. Осыған орай, клуб басшылығы жанкүйерлерді бөгде хабарландыруларға сенбеуге және билеттерді бейресми жолдармен сатып алудан аулақ болуға шақырады. #ғалымжан кенжебек #ҚФФ