"Гонорарға - көлік": Ақерке Бүркітбай күйеуі Әли Оқаповтың ұсынысына жауап берді

Әнші Ақерке Бүркітбай күйеуі Әли Оқаповтан бейнебаянға түсу туралы ұсыныс түскенін айтты. Әнші гонорарға көлік сұраған, деп хабарлайды POLITICO.KZ.

Бала күтімімен демалыста болған Ақерке Бүркітбай түсірілім процесін сағынғанын жасырмады. Оның сөзінше, қазіргі таңда жаңа бейнебаян түсіру жұмысы басталған.

"Біз қазір бейнебаян түсіріп жатырмыз. Оған мені бір жігіт шақырды", - дейді Ақерке Instagram желісіндегі stories-те күйеуін көрсетіп.

Ол оқырмандары тарапынан күйеуінің бейнебаянына неге басқа қыздар түсетіні туралы сұрақ жиі қойылатынын тілге тиек етіп, бұл жолы өзі түсетінін айтты.