Индира Расылханның қызы сырғалым атанды

Қазақстандық танымал әнші Индира Расылхан жақын арада қызын ұзатады, деп хабарлайды POLITICO.KZ.

Өнер иесінің тұңғыш қызы Айдина сырғалым атанды. Ал қуанышты жаңалықты Индира Расылханның өзі Instagram-дағы парақшасында жазды.
Ол желіде құдалықтан видео жариялап, сырға салу рәсімі қалай өткенін көрсетті.

"Сырға салу дәстүрімізді қайта жаңғыртсақ деген мақсатта, құдаларымызды күтіп, дәстүрімізге сай сый-сыяпатымызды жасап, шығарып салдық. Айдина қызымыз сырғалым атанды. Ұл өсті, қыз бой жетті деген осы екен. Күйеуге шығатын уақыттары да келіп қалғанын байқамаппыз. Әр нәрсе өз уақытында деп өзімді жұбатып қоямын. Ендігі шапқылау сол ұзату болмақ. Құттықтауларыңызды жаудырып жіберіңіздерші, жақсыларым! - деп жазды Индира Расылхан.