Өңірлердегі мемлекеттік қызметшілердің жалақысын көтеру ұсынылды

24.04.2024
07:25
0
90
Бүгін Сенатта өңірлердің бюджеттік дербестігі тақырыбына арналған дөңгелек үстел отырысында Қарағанды облысы әкімінің орынбасары Ермек Алпысов мемлекеттік қызметшілердің жалақысын көтеруге қатысты ұсыныс айтты.
Оның айтуынша, қазір мемлекеттік қызметте жақсы кадрлардың ауысуы жиіледі. Адамдар тәжірибе жинақтап, жалақысы жоғары жұмысқа кетіп жатыр.«Маңызды мәселелердің бірі жергілікті атқарушы органдар мен ревизиялық комиссиялардағы мемлекеттік қызметшілердің жекелеген санаттарына жалақы деңгейінің төмендігіне қатысты. Статистикаға қарағанда, Қарағанды облысында 2023 жылдағы орташа жалақы 367 мың теңгені, ал Қазақстан бойынша 394 мың теңгені құрады. Бұл ретте, облысымыздағы ірі кәсіпорындарда мықты мамандар 800 мыңнан 1 миллион теңгеге дейін табыс алады. Аудандық деңгейдегі А блогындағы бас маманның лауазымдық жалақысы еңбек өтіліне қарай ең көп дегенде 260 мың теңге, облыстық деңгейде 302 мың теңге шамасында. Соңғы рет қызметкерлердің лауазымдық жалақысын көтеру 2021 жылдың 1 шілдесінде жүзеге асырылды», - деді Е. Алпысов.
«Біз жалақыны кем дегенде еліміздегі орташа айлық (394 мың теңге) деңгейіне дейін жеткізу мәселесін қарастыруды ұсынып отырмыз. Сондай-ақ мемлекеттік қызметшілердің жұмысын бағалау нәтижелері бойынша бонус мөлшерін екі жалақыдан төрт жалақыға дейін арттыруды ұсындық», - деді Қарағанды облысы әкімінің орынбасары.
Здесь пока ничего нет
Соңғы жаңалықтар

14.03.2025
13:23
"Жыламау үшін есірткі берген": Анасы 2 жасар ба...

14.03.2025
13:17
Жириновскийдің ресми парақшасында жұмбақ жазба ...

14.03.2025
12:25
Зеленский Түркияны стратегиялық серіктес деп атады

14.03.2025
12:20
Атышулы Хасан Шерзаттың әкесінің досын жәбірлег...

14.03.2025
11:39
Суджа мен Донецк облыстарында ауыр шайқас жүріп...

14.03.2025
11:07
"Соры болды": Дана Нұржігіттің продюсер Баян Ма...