"Іштей кешірім сұрап қоятыным бар": Медеу Арынбаев жастық шақтағы қателігін айтып, өкінді

Әнші Медеу Арынбаев жастық шағындағы бір өкінішін бөлісті. Өнер иесі KeshRec бағдарламасына берген сұхбатында алғаш рет әке атанған сәтін еске алып, қызының дүниеге келгенін естігендегі өз әрекетіне өкінетінін айтты, деп хабарлайды POLITICO.KZ Skifnews.kz ақпарат порталына сілтеме жасап.

«Жанымдағылармен сыр тарқасып отырғанда телефоныма қоңырау келді. Тқтқаның арғы жағынан біреу: Медеу Арынбаевсыз ба? Сізді құттықтаймын, қызды болдыңыз, деді. Әне-міне екінші ұлдың әкесі боламын деп отырған мен жарайды деп қалдым. Соны кешіре алмаймын. Неге олай дегенімді білмеймін, балалық шығар. Әлі күнге дейін қызымның бетінен сүйген сайын іштей кешірім сұрап қоятыным бар», – деді әнші.

Медеу Арынбаев бұл оқиғаны өзінің өмірлік сабақтарының бірі деп атады.