Канн кинофестивалінде үздік танылған танымал актриса қайтыс болды

Бельгиялық актриса Эмили Декенн 43 жасында өмірден өтті, деп хабарлайды POLITICO.KZ.

2023 жылдың қазан айында ол бүйрек үсті безінің сирек кездесетін қатерлі ісігіне шалдыққанын жариялаған. 2024 жылдың көктемінде ауруының толық ремиссияға өткенін мәлімдегенімен, жылдың соңында дерт қайта асқынып, жағдайы күрт нашарлаған.Актрисамен қоштасу рәсімінің нақты күні мен орны кейінірек жарияланатын болады.

Эмили Декенн 1981 жылдың 29 тамызында Бельгияның Белей коммунасында дүниеге келген. Ол өзінің актерлік мансабында көптеген жарқын рөлдерді сомдап, көрерменнің жүрегінен орын алды.