Кәсіпкер бола алмаған әйел өзіне курс сатқан ЖШС-ын сотта жеңіп шықты

«Мой город» порталының жазуынша, оралдық әйел кәсіпкер болып кету үшін ЖШС-ға 1,6 млн теңгесін төлеген. Одан бөлек,  миллиондаған ақы төлеп, шетелден үй сатып алған. Ол 2023 жылы жылжымайтын мүлікті сатудан табыс табуды үйрететін ЖШС-мен шарт жасасқан. Оқу үшін әйел 1,6 миллион теңге төлеген. Кейін ЖШС-ның ұсынысы бойынша ол Дубайдан 1 бөлмелі пәтер сатып алу үшін БАӘ-ге 18 мың дирхам (шамамен 2,3 миллион теңге) және 40 мың дирхам (шамамен 5,2 миллион теңге) аударған. Шарт бойынша бір жыл ішінде ол курста алған теориялық және практикалық білімдерін пайдалана отырып, 1,6 миллион теңгені табуға, сондай-ақ жобалардан инвестициялық пайда алуға тиіс болатын. Егер бұл орындалмаса, ЖШС оған оқуға жұмсаған бар ақшасын қайтарып беретінін айтқан. Пәтерді сата алмаған әйел инвестициядан да пайда көрмеген. Ол ЖШС-дан 3,2 миллион теңге өндіріп алуды талап етіп, сотқа жүгінді. Сот оның талабын қанағаттандырды. Фото: 24.kz