"Кредитпен әлек болып жүрмін": Нұрлан Еспановтың ұлы алаяқтарға тап болған

Әнші Нұрлан Еспановтың ұлы Олжас Еспанов алаяқтарға алданып, қарызға кіріп кеткенін айтты, деп хабарлайды POLITICO.KZ Skifnews.kz ақпарат порталына сілтеме жасап.

«Менде бәрі керемет емес, бәрінің басында проблема бар. Мұңайып, қайғырып, түңіліп болғанмын. Адамды білмей, танымай, арласпай, сөгуге болмайды негізі. Бұл да бір сынақ деп ойлаймын. Алаяқтыққа ұрынып, 45 млн-ға қарызға кірдім. 2 жыл осы кредитпен әлек болып жүрмін. Барар жер, басар тау қалмады. Мемлекеттік органдар жұмыс істегісі келмейді. Банктегілер жоқ көліктің кредитін төлеңдер деп бізді «қораға» тыққысы келеді. Қысқасы айта берсең сериал болып кетеді. Кредит менің мойнымда, 45 млн тақалып тұр», - деп жазды Олжас Еспанов.

Ол ендігі мақсаты осы кредиттен құтылу екенін атап өтті