Күйеу жігіт өз тойында қайтыс болды

Түркияның солтүстік өңірінде 23 жастағы жас жігіт некелесу рәсімінде қаза тапты. Ол тойда болған рәсім кезінде жараланып, алған жарақатынан көз жұмды. Бұл туралы The Guardian хабарлады.

Тергеу деректеріне сәйкес, жас жұбайлар некесін қиып, үйге оралғанда қалыңдықтың туысы тапаншадан бірнеше рет оқ атқан. Сол сәтте күйеу жігітке оқ тиген.

Қаруды қолданған әйел қамауға алынды. Оның үй ауласынан лицензиясыз екі тапанша тәркіленді.

Мамандардың айтуынша, Түркияның солтүстік өңірлерінде үйлену тойларында қарудан оқ ату салттық дәстүрдің бір бөлігі саналады. Дегенмен бұл дәстүр елде жиі қайғылы жағдайға әкеліп отыр.