Күйеу жігіт пен қалыңдық той күні жол апатына ұшырады

Әзербайжанның Оғуз ауданына қарасты Хачмаз ауылында той күні орын алған жол-көлік оқиғасы ел назарын аударды. Бұл туралы POLITICO.KZ Oxu.Az сайтына сілтеме жасап хабарлайды.

2001 жылы туған Эмин Фейзуллаев басқарған Hyundai көлігі Синджаб ауылына қарай бағыт алған кезде, жүргізуші рөлге ие бола алмай, жол жиегіндегі сайға құлаған.

Апат салдарынан жүргізуші мен екі жолаушы — 1981 жылы туған Тахмина Юсубова және 2006 жылы туған Мелек Фейзуллаева түрлі жарақат алған.

Ерекше атап өтерлігі — Эмин мен Мелек дәл осы күні өздерінің үйлену тойына бара жатқан. Жастар сұлулық салонынан шыққан.

Зардап шеккендерге ауруханада алғашқы медициналық көмек көрсетіліп, кейін олар үйіне жіберілген.