Мәйіті пакетке оралған: Германияда жоғалып кеткен қазақстандық әйелдің денесі табылды

Мәйіті пакетке оралған: Германияда жоғалып кеткен қазақстандық әйелдің денесі табылды
18.06.2024 12:04
0
154
Судья Айгүл Сайлыбаеваның Германияда із-түссіз жоғалып кеткені туралы хабарлаған едік. Ол Бенсхайм қаласында күйеуі, қызы және енесімен бірге тұрған. 4 маусым күні таңертең Сайлыбаева қызын балабақшаға алып кеткен. Содан бері оны ешкім көрмеген,-деп хабарлайды politico.kz Жексенбі күні оның денесі қала шетіндегі Эрлаче карьерінен табылды. Мәйіт полиэтилен пакетте болған. Әйел өлтірілмес бұрын зорлық-зомбылыққа ұшыраған. Қазір Сайлыбаеваның өлімін 35 тергеуші тексеріп жатыр. Әйелдің үйіне тінту жүргізілді. "Сайлыбаевамен бір уақытта оның 49 жастағы қайын енесі Наталья Донцова да жоғалып кеткен. Ол 4 маусым күні немересін балабақшадан алып, үйіне әкелгені белгілі болды. Баланың өзі аман, қазір туыстарының қамқорлығына берілген. Сайлыбаеваның анасы мен ағасы Қазақстаннан Германияға келді”, – делінген сыртқы істер министрлігінің хабарламасында. Қазір Донцованы іздестіру жұмыстары жалғасуда және екі із-түссіз жоғалғандар арасында байланыс орнатылуда.
Пікірлер (0)
Здесь пока ничего нет
Пікір қалдырыңыз
Войдите, чтобы оставить комментарий