"Маған адамша үйленген жоқ": Баян Мақсатқызы Тұрсын Алагөзов жайлы

Танымал продюсер Баян Мақсатқызы болашақта дүркіретіп үйлену тойын өткізуді армандайтынын айтты.

Бұған дейін қос қызының тұсаукесер тойын ұйымдастырған өнер иесі енді өзінің өміріндегі маңызды сәттердің бірін – үйлену тойын ерекше етіп атап өтуді жоспарлап отыр. Продюсердің айтуынша, ол той жасауды, қуаныш пен мерекеге толы сәттерді жақсы көреді. Бұл туралы Баян Алагөзова:

Мен той тойлап жүргенді жақсы көремін. Жаным үнемі мерекені қалап тұрады. Бүгін үйімізге барған соң таңертең тұра сала Тұрсынға 'тағы да мерекелегім келіп тұр' деп еркелей аламын. Келесі жылы бірге тұрып жатқанымызға 10 жыл болады екен. Мен тұрмысқа шыққым келеді. Тұрсын маған адамша үйленген жоқ. Мен қыз жолдастармен бірге билеп көргім келеді. Екі қызым қалыңдық көйлегімді көтеріп жүргенін қалаймын, – дейді.