Мейрамбек Бесбаев туған күнін дүркіретіп атап өтті

Мейрамбек Бесбаев өзі ашқан Aspan FM радиосының атынан жұлдыздардың қатысуымен үлкен концерт ұйымдастырып, өнердегі әріптестерін марапаттады. Өнер иесі бұл салтанатты шараны дәл өз туған күнінде өткізген. Мейрамбек Бесбаев биыл жаңа жасын жоғары жеңгейде атап өтті. "МузАрт" әншісі өз туған күнінде үлкен концерт ұйымдастырып, бірқатар өнер жұлдыздарын қуантты. Өнер иесінің жары Махаббат Бесбаева концерт кезінде сахнаға тортпен шығып, отағасын елдің көзінше құттықтады. Дүбірлі концерттен кейін туған күн кеші ары қарай жалғасын тапқан. Мейрамбек Бесбаевтың өнердегі достары мен ет-жақындары мейрамханада бас қосып, туған күн иесін тағы бір мәрте құттықтаған. Эстрада жұлдызына жасаған тосынсыйдың видеосы Instagram желісінде тарап кетті.