Мемлекет басшысы Қасым-Жомарт Тоқаевтың Қазақстан халқының бірлігі күнімен құттықтауы

01.05.2024
14:53
0
255
Қадірлі отандастар!
Қазақстан халқының бірлігі күні құтты болсын!
Бұл – татулық пен тыныштықтың, тұрақтылық пен бейбітшіліктің символы саналатын мерейлі мереке.
Қазақ жерін мекен еткен сан алуан этностың мәдениеті, діні мен дәстүрі өзара үндесіп, бірегей өркениетке айналды. Бүгінде еліміздің барша азаматтары біртұтас ұлт болып Әділетті Қазақстанды құрып жатыр. Ырысты ынтымақтың арқасында халқымыздың қуаты арта түседі. Сондықтан біз бірлігімізді нығайтуға бар күш-жігерімізді жұмылдыруымыз керек. Бұл – әрбір азаматтың мәртебелі міндеті әрі перзенттік парызы.
Ел бірлігі, әсіресе, қиын-қыстау сәттерде сыналады. Биыл біз бұрын-соңды болмаған «алапат тасқынмен» бірлесе күресіп жатырмыз. Әр азаматтың бір-біріне тілеулeстігі арқылы бүкіл ұлттың тұтастығын таныта білдік. Қазақстан халқы тарихтың күрделі кезеңінде жұрт болып жұмылып, табысқа жете алатынын тағы да дәлелдеді.
Халқымыз жасампаздық пен жаңашылдық, еңбекқорлық пен білімпаздық, жанашырлық пен жауапкершілік сияқты асыл қасиеттерінің арқасында өсіп-өркендей береді деп сенемін.
Баршаңызға зор денсаулық, толағай табыс тілеймін!
Әр шаңыраққа құт-береке дарысын!
Здесь пока ничего нет
Соңғы жаңалықтар

14.10.2025
16:08
«Тексеруде жүктілік анықталмаған»: Ақтөбе облыс...

14.10.2025
15:56
"Автобус жолақысы 500 теңгеге жетуі мүмкін": Үк...

14.10.2025
15:50
Threads-та арандатушы жазба қалдырған Алика Мұх...

14.10.2025
15:16
«Димашик»: Игорь Крутой Димаш Құдайбергенді ере...

14.10.2025
14:47
Шұғыл! Абай облысында 13 жастағы қыз із-түссіз ...

14.10.2025
14:20
Гүлзира Айдарбекова: Жұлдызды 10 жыл бойы тығып...