«Менің сүйіктім»: Сабина Алтынбекова жанкүйерлерін таңғалдырды

Қазақстандық волейболшы Сабина Алтынбекова далада атпен серуендеп, жанкүйерлердің жүрегін баурап алды, деп хабарлайды POLITICO.KZ. 

Елдегі ең сұлу спортшылардың бірі саналатын 28 жастағы ару әлеуметтік желіде атымен түскен видеосын жариялады.

«Мен және менің сүйіктім – Абырой», – деп жазды Сабина бейнежазбаның астына.

Волейболшының жанкүйерлері оның шабандоздық шеберлігін мақтап, қазақ аруының сұлулығына тағы да тәнті болды.

«Керемет, өте әсерлі! Сіз керемет шабандоз екенсіз», «Тамаша!», «Тумысынан нағыз шабандоз!», «Мен атқа мінуді білмеймін, ал Сабина от қой!» – деп жазып жатыр желі қолданушылары.