ММА-ның жеңілмеген жұлдызы Василий Тахтай семейлік балаға қолдау көрсетті

Жеңілмеген ММА файтері Василий Тахтай Семейдегі соққыға жығылған балаға қолдау білдірді, деп хабарлайды POLITICO.KZ.

Танымал спортшы жасөспіріммен байланысып, оған моральдық қолдау көрсеткен.

"Біз сөйлестік, мен оған әрдайым байланыста болатынымды айттым. Енді ол кез келген уақытта маған хабарласа алады. Оны Астанаға шақырдым" – деді Тахтай.

Спортшы баланың қиын жағдайға тап болғанын түсініп, оған қорған болатынын мәлімдеді.

Семейдегі оқиға қоғамда үлкен резонанс тудырған еді. Қазіргі таңда баланың отбасына материалдық көмек көрсетіліп, 24 миллион теңгеден астам қаражат жиналды.