Мұғалім оқушысынан екі рет жүкті болып, түрмеден шыққан соң оған тұрмысқа шықты

АҚШ-та мұғалім өз оқушысынан екі мәрте жүкті болып, бірнеше рет түрмеге түскен. Бұл туралы Mirror басылымы хабарлады.

Тергеу деректеріне сәйкес, педагог 12 жастағы оқушысы Вили Фуалау мен арадағы қарым-қатынасты жасырмаған. Ол кезде Летурноның жасы 34-те болған. Мұғалімнің өзі баланы сүйіп қалғанын айтқан. Алайда оның заңды некедегі күйеуі олардың хат алмасуын байқап қалып, оқушыға қоқан-лоққы жасаған.

Бір сәтте полиция педагогты қамауға алып, ол кәмелетке толмаған баланы зорлағанын мойындады. Тергеу кезінде оның жүкті екені белгілі болды. Мұғалім үш айға түрмеге жабылды.

Сот үкімі шыққаннан кейін Летурно оқушыға жақындамайтынын уәде еткен. Алайда бостандыққа шыққаннан кейін 30 күн өтпей жатып, оларды көліктен ұстап алған. Сол кезде әйелдің қайта жүкті екені анықталды.

Нәтижесінде мұғалім жеті жыл алты айға бас бостандығынан айырылды. Бұл уақытта ол күйеуімен ресми түрде ажырасып үлгерген. Вили Фуалау 15 жасқа дейін екі баланың әкесі атанды.

Кейінірек педагог пен бұрынғы оқушысы ресми түрде некеге тұрды. Дегенмен 14 жыл отасқан соң, ерлі-зайыптылар ажырасып кетті. Вилидің жақын досының айтуынша, ол уақыт өте келе олардың қарым-қатынасы қате болғанын түсінген.