Мұғалім сабақ үстінде көз жұмды

Әзербайжанның Нахчыван қаласындағы №17 орта мектепте сабақ үстінде мұғалім қайтыс болды.

21 жылдық педагогикалық тәжірибесі бар әзербайжан тілі мен әдебиеті пәнінің мұғалімі Наиля Будагова сабақ барысында өзін кенеттен жайсыз сезініп, есінен танып қалған.

Алдын ала мәлімет бойынша, мұғалімнің миына қан құйылған. Жедел жәрдем қызметі дереу жеткенімен, дәрігерлер оның өмірін сақтап қала алмады.

Оқиғаға байланысты тиісті органдар тергеу жүргізіп жатыр.