Нариман Құрбанов әріптесіне үйленді

Парижде өткен Олимпиада ойындарының күміс жүлдегері, спорттық гимнастшы Нариман Құрбанов шаңырақ көтерді. Оның таңдауы әріптесі Аида Бауыржановаға түскен. Кеше, яғни 8 қыркүйекте Аида Бауыржанова ұзатылды. Спорттық гимнастика өкілі сол сәттің видеосын Instagram-дағы парақшасына жүктеді. Одан бөлек, спортшының қалыңдығының үйіне барған сәтін TikTok желісіндегі Жансая Айдосова есімді қолданушы да жүктеген. Айта кетсек, қазақстандық спортшы Аида Бауыржанова Азия чемпионатында жекелей көпсайыстан 4-орын алып, Олимпиада лицензиясына қол жеткізе алмаған болатын. Бірақ еркін жаттығуда қола медаль иеленді. Ал Нариман Құрбанов спорттық гимнастикадан Олимпиада ойындарында жүлде иеленген тұңғыш қазақстандық спортшы атанды.