“Немеремізді көрсетпей қойды”: Мөлдір Әуелбекованың бұрынғы енесі алғаш рет үн қатты

“КешYou” тобының экс-солисі Мөлдір Әуелбекованың бұрынғы енесі алғаш рет ашық сұхбат беріп, отбасындағы жағдайға қатысты өз пікірін айтты, деп хабарлайды Politico.kz.

Арыстанның анасының айтуынша, Мөлдір мен ұлы бір-бірін шын сүйіп қосылған. Алайда уақыт өте келе араларында түсініспеушілік туындап, екі жас екі бөлек кеткен.

Ол ажырасқаннан кейін немересін көре алмай жүргенін де жасырмады.

“Мөлдір түрлі сұхбат береді, бірақ бұл жайлы ештеңе айтпайды. Немеремізді көрсетпей қойды. Тіпті “әкемнің үйі проходной двор емес” деген кезі болды”, – дейді ол.

Сондай-ақ бұрынғы енесі әншіге ешқандай жамандық жасамағанын, керісінше оны жақсы қабылдап, жеке өмірлеріне араласпауға тырысқанын айтты.

“Мөлдір “әпкесі мен шешесі күн бермеді” деп айтты. Бірақ онда неге екінші күйеуімен де ажырасты?” – деп пікір білдірді Арыстанның анасы.