Нұрлан имамның «қыз баланың мысық бағуына болмайды» деген сөзі желіде дау туғызды

Әлеуметтік желіде белгілі дінтанушы Нұрлан имамның қыз балаларға қатысты пікірі қызу талқыланып жатыр, деп хабарлайды POLITICO.KZ.

Имамның айтуынша, қыз баланың үйде мысық ұстауы дұрыс емес. Ол бұл ойын былай түсіндірді:

«Қыз бала мысық бағу үшін емес, бала бағу үшін жаратылған. Егер ол махаббатын мысыққа арнаса, өмірі сол жануармен өтіп кетеді. Қазақ бұрыннан қызды хайуандарға тым жақындатпаған, өйткені оның аналық мейірімі мен махаббаты балаға арналуы керек. Тіпті гүлге де шектен тыс құмар болмағаны жөн. Мысықты күйеу бақсын, Алла оған жар нәсіп етсін», — деді Нұрлан имам.

Имамның бұл пікірі қоғамда түрлі реакция тудырып, желі қолданушылары арасында қызу пікірталасқа себеп болды.