Онлайн несие енді бірден берілмейді

Қазақстанда онлайн несие рәсімдеу тәртібіне маңызды өзгерістер енгізілді. Енді азаматтар несие алуға өтініш білдірген кезде, мақұлданған қаражат шотқа дереу емес, белгілі бір уақыт өткеннен кейін ғана аударылатын болады. Бұл жаңашылдық «салқындау кезеңі» деп аталады, деп хабарлайды POLITICO.KZ.

Жаңа тәртіпке сәйкес, егер онлайн несие сомасы 1 миллион теңгеден асса (немесе микронесиелер үшін 295 мың теңгеден жоғары болса), қаражат қарыз алушының шотына тек 24 сағат өткен соң түседі. Ал 589 800 теңгеден 1 миллион теңгеге дейінгі несиелер үшін күту уақыты 8 сағатты құрайды.

Бұл шараның негізгі мақсаты несие алушыларға қабылдаған шешімдерін қайта таразылауға мүмкіндік беру. Сонымен қатар, бұл алаяқтардың арбауына түсіп қалудан сақтануға да бағытталған маңызды қадам болып отыр.