Оқушылар мұғалімін зорлап, тонап, үйін өртеп кеткен

Аустрияда жасөспірімдер мұғалімге қатысты бірнеше қылмыс жасады деп айыпталуда. Бұл туралы Spiegel жазды.

Вена қаласынан шыққан 14 пен 17 жас аралығындағы жеті жасөспірім сот алдына шығады. Басылым мәліметтері бойынша, 30 жастағы педагогты мазалауды мектеп оқушылары сәуір айынан бастаған.

Зардап шеккен мұғалімнің айтуынша, жасөспірімдер өздерінің қылмыстық топтың мүшелері екенін айтып, оны қорқытып-үркіткен. Жас жігіттер оның үйіне келіп, мұғаліммен бірге есірткі қолданып, оның жағдайын пайдаланып, зорлық-зомбылық көрсеткен.

Кейін олар әйелді қысымға алып, тамақ пен сусындарға, такси сапарларына ақша төлеуді талап еткен. Сонымен қатар, мектеп оқушылары одан ақша ұрлаған. Мұғалім басқа қалаға көшіп кеткенде, оның пәтерін өртеп жіберген. Бұл жағдайлар бірнеше ай бойы жалғасқан.

Жасөспірімдердің адвокаттары жақын қарым-қатынас екіжақты келісіммен болғанын мәлімдеді. Жасөспірімдер өздерінің тек ұрлық, тыйым салынған заттарды қолдану және өрт қою бойынша кінәлі екендерін мойындады.