Оралда жүргізуші полицейлерге өздеріне айыппұл салдырды

Оралда жүргізуші патрульдік көліктің техникалық ақауын анықтап, полицейлерді өз әріптестеріне айыппұл салуға мәжбүр етті, деп хабарлайды POLITICO.KZ, Криминальный Казахстан арнасына сілтеме жасап.

Полицейлер азаматтың көлігін тоқтатып, алдыңғы әйнектегі жарық үшін айыппұл рәсімдемек болған. Алайда жүргізуші патрульдік көліктің де дәл сондай ақауы бар екенін байқап, дереу басқа полиция жасағын шақырды.

Нәтижесінде, оқиға орнында үш көлік жиналды: жүргізушінің жеке автокөлігі, айыппұл рәсімдеуге тырысқан патрульдік көлік және тексеру жүргізуге келген қосымша полиция жасағы.

Тексеру барысында патрульдік көліктің техникалық талаптарға сәйкес еместігі расталды. Полицейлерге хаттама толтырылып, көлік арнайы базаға жөнелтілді.

БҚО полиция департаменті оқиғаны растады. Тәртіп сақшыларының өздері де заң бұзғаны анықталып, тиісті шаралар қабылданғанын мәлімдеді.