"Отбасын бұзу үшін...": Ханбибі Есенқарақызы "Нұрикамал" фильмі туралы айтты

Белгілі ақын, журналист Ханбибі Есенқарақызы "Нұрикамал" фильмі туралы ойын, мелодраманың кемшін тұстары туралы айтты. Nege.kz порталының тілшісі "Нұрикамалды" көргендердің арасында "Отбасы бола тұра басқа әйелге ғашық болуды насихаттаудың керегі не?" деп пікір айтқандар барын тілге тиек етті. Ақын "туынды – таза адамдардан шыққан таза махаббатың үлгісі" екенін айтты.

Бұл біреудің отбасын бұзу үшін насихатталған дүние емес. Бұл – өнер адамдарына тән. Әрбір адам – бостан. Біреуге біреу тәуелді емес. Бұл жерде жасандылық, тәуелділік жоқ. Композитордың ғашық болуға құқы бар. Әннің жақсы болғаны үшін ақын ретінде сөзін жазып бергенімді дұрыс деп санаймын. Бірақ композитор еш уақытта Нұрикамалмен байланыста болған жоқ. Нұрикамал да ақыл-ойы бар әйел. Бір жерінде "Біреудің отбасын бұзған адам бақытқа жете алмайды" деп айтатыны бар ғой. Ол да – персонаж. Композитор да, Нұрикамал да жақын қарым-қатынас орнатпаған, таза күйінде қалды. Ешқандай отбасы бұзылған жоқ. Барлығы өз орнында", - деп жауап берді Ханбибі Есенқарақызы.

Оның сөзінше, тазалықтан туған ән халықтың жүрегіне жетіп, 40 жылға жуық уақыт болса да әлі сахнадан да, той-жиындарда айтылып келе жатыр.