«Өз отбасыңнан да табылады»: Гүлзира Айдарбекова «құмалақ» деп кімді меңзеді?

Танымал продюсер Гүлзира Айдарбекова келіндерінің әлеуметтік желіде белсенді болуына бағыт-бағдар бергенін айтты. Ол Instagram-дағы парақшасына ортаншы ұлы Аян Нұртастың келіншегі Айгерім Саркеновамен түскен суретін жүктеп, келініне деген ерекше ықыласын жеткізген. Сондай-ақ келіндерінің әлеуметтік желіде белсенді болғандарын қалайтынын жасырмады.

«Келін – ененің топырағынан» деген сөз бар. Үш келінім үш түрлі тәрбиеде өсіп, үш түрлі отбасынан шыққанымен айналып келгенде өз аналарының емес, менің жолымды қуған. Ол жағын Айгерім мойындап отырады. «Мен-мен, мен өзім» демей, «Мама, сіз басында айтқанда, «мен олай бола алмаймын, эфирге шыға алмаймын, инста жүргізе алмаймын» деуші едім ғой, ал сіз айтатынсыз, «Адамның жасағанын адам жасай алады» деп. Енді қарасам, шынында солай екен» деп риза болып отырады. Қазір өз оқырмандары жетерлік. Оқырман деген сенің бөлек бір әлемің ғой. Басыңа жағдай туса, бәрі жүрегі ауырып, дұға тілейді. «Көп тілеуі – көл» дегендей, қиындығың жеңілдейді. Сәл артық кетсең, ескертіп отырады, - дейді Гүлзира Айдарбекова.

Осы сәтте ол кейде «бір қарын майды шірітетін құмалақтар» болатынын алға тартып, ондай адамдардың өз отбасынан да табылатынын айтып қалды. Бірақ кімді меңзегені белгісіз.