Павлодар облысында екі көлік соқтығысты: қаза тапқандар бар

19 маусым 2026, 17:53 1170

Павлодар облысында екі көлік соқтығысты: қаза тапқандар бар — Фото: Павлодар облысы ПД

Павлодар облысы Аққулы ауданы аумағында жантүршігерлік жол апаты болды, деп хабарлайды Politico.kz.

Жол апаты 19 маусым күні «Омбы – Майқапшағай» автожолында болған.

Changan CS75 және Skoda Rapid автокөліктері соқтығысқан.

Оқиға салдарынан Skoda автокөлігінің жүргізушісі мен жолаушысы оқиға орнында көз жұмды. Екінші автокөліктің жүргізушісі мен екі жолаушысы ауруханаға жеткізілді.

Жол-көлік оқиғасы фактісі бойынша полиция қылмыстық іс қозғады.

Автокөліктер мамандандырылған айып тұрағына қойылды.

Оқиғаның мән-жайы мен себептері тергеу барысында анықталады.

Жол апаты Павлодар облысы Полиция департаменті

Бізді Google-дың негізгі дереккөздер тізіміне қосыңыз

Қосу