Петропавлдық қыз көшеден жатқан темекіні шегемін деп жансақтау бөліміне түсті

1 сәуір 2026, 10:35 1029

Петропавлдық қыз көшеден жатқан темекіні шегемін деп жансақтау бөліміне түсті — Фото: ашық дереккөз

Петропавлда көшеден табылған темекіні шеккен жас қыз ауыр жағдайда жансақтау бөліміне түсті, деп хабарлайды Politico.kz.

Қалалық аурухананың дерегіне сәйкес, науқас қыздың денесі қалтырап, басы айналған.

Оның айтуынша, ол сырттан тауып алған темекіні пайдаланып көрген. Соның салдарынан есірткілік әсерге ұшырап, сыртқы уытты заттармен уланған. Дәрігерлер оған белгісіз заттардың токсикалық әсері, масаю синдромы және орта деңгейдегі темір тапшылығы анемиясы деген диагноз қойды.

Оқиға кезінде кезекші дәрігер мен реанимация мамандары жедел әрекет етіп, қызды бірден жансақтау бөліміне орналастырған.

Медицина мамандарының мәліметінше, науқас тәулік бойы жансақтауда үздіксіз бақылауда болған. Кейін тағы төрт күн жалпы бөлімде ем қабылдап, жағдайы жақсарған соң үйіне шығарылған.

Дәрігерлер бейтаныс немесе заңсыз заттарды қолдану аса қауіпті екенін ескертеді.

бойж Жансақтау бөлімі Петропавл Темекі

Бізді Google-дың негізгі дереккөздер тізіміне қосыңыз

Қосу

Петропавлдық қыз көшеден жатқан темекіні шегемін деп жансақтау бөліміне түсті

Петропавлда көшеден табылған темекіні шеккен жас қыз ауыр жағдайда жансақтау бөліміне түсті, деп хабарлайды Politico.kz.

Соңғы жаңалықтар