Президент «Астана» халықаралық қаржы орталығының басшысы Ренат Бектұровты қабылдады

03.05.2024
07:34
0
199
Ренат Бектұров АХҚО-ның былтырғы және биылғы I тоқсанда атқарған жұмысының нәтижелері баяндап, орталықты дамыту жоспарымен таныстырды.
Қаржы орталығы іске қосылған сәттен бері елімізге 11 миллиард доллардан астам (2023 жылғы және осы жылдың алғашқы 3 айындағы 3,5 миллиард доллар қаржыны қоса алғанда) инвестиция тартуға атсалысқан.
Бұл 2025 жылға алдын ала белгіленген мақсатты көрсеткіштен асқан.
Өткен жылы АХҚО-да тіркелген компаниялардың саны 670-тен (жалпы әлемнің 78 елінен 2600-ден аса компания) асқаны жөнінде мәлімет берілді. Бұл — рекордтық көрсеткіш.
Былтыр және осы жылдың алғашқы үш айында Орталық қатысушылары мемлекет бюджетіне 48,7 миллиард теңге салық төлеген.
Дауларды шешуде АХҚО соты мен Халықаралық арбитраж орталығы сияқты институттар табысты жұмыс істеп жатыр. 2023 жылы 767 коммерциялық іс қаралған.
Президент қаржы орталығын одан әрі дамытуға қатысты бірқатар өзекті міндетті айқындап берді. Атап айтқанда, АХҚО-ның өңір үшін жасыл қор тарту және Орта дәлізді дамыту ісіндегі рөліне тоқталды.
Еліміздегі «жасыл» облигациялар мен кредиттердің 60 пайыздан астамы АХҚО Жасыл қаржы орталығының қолдауымен берілді.
Қаржы орталығының юрисдикциясында орта дәліз жобасы аясында бірлескен кәсіпорындар жұмыс істеп жатыр.
Қасым-Жомарт Тоқаев қазіргі жағдайда мәмілелер жасау үшін АХҚО инфрақұрылымын белсенді пайдалана отырып, Қазақстан экономикасына инвестиция тартуға көмектесетін барлық мемлекеттік орган мен оған жетекшілік ететін қаржы институттарының күш-жігерін біріктіру қажет екеніне назар аударды. Здесь пока ничего нет
Соңғы жаңалықтар

18.07.2025
15:08
Әйелінің 2016 жылғы жиенін зорлаған ер адам сот...

18.07.2025
14:00
"Ақшаға сатқан коррупцияның малайлары": Амантай...

18.07.2025
13:55
Перизат Қайраттың анасының телефонындағы жазбал...

18.07.2025
13:09
"Күйеуің әртіс болмасын": Аян Өтепбергеннің жас...

18.07.2025
13:04
Күйеуі аттың жалына байлап, азаптап өлтірген әй...

18.07.2025
13:00
"Мұндай жағдай бұрын болмаған": Атырау облысынд...