Путиннің өкілі АҚШ-та Мәскеу позициясы бұрмаланып жатқанын айтты

3 сәуір 2025, 14:25 1483

Путиннің өкілі АҚШ-та Мәскеу позициясы бұрмаланып жатқанын айтты — REUTERS/Hamad I Mohammed

Дмитриев Ресей мен АҚШ арасына іріткі салу әрекетін сынады

Ресей президентінің инвестициялар жөніндегі арнайы өкілі Кирилл Дмитриев Ресей мен АҚШ арасында шиеленісті күшейтуді көздейтін сыртқы күштердің бар екенін мәлімдеді, деп хабарлайды POLITICO.KZ Reuters-ке сілтеме жасап.

«Бұл күштер Ресейдің ұстанымын әдейі бұрмалап, диалог орнатуға бағытталған кез келген қадамды бұзуға тырысады. Олар бұл мақсатқа қол жеткізу үшін ақша мен ресурсты аямайды», – деді Дмитриев.

Оның айтуынша, бұл күштер Ресей мен АҚШ-тың жақындасуынан қорқады, себебі екі ел ортақ мүдде табуы мүмкін, халықаралық және экономикалық бағытта өзара түсіністік орнатуға жол ашылады.

Кирилл Дмитриев қазіргі уақытта Вашингтонда АҚШ президенті әкімшілігінің өкілдерімен келіссөздер жүргізіп жатқанын растады. Ол Ресей тарапынан бейбіт әрі прагматикалық диалогқа дайындық бар екенін тағы бір мәрте еске салды.

АҚШ Геополитика Ресей Әлем жаңалықтары

Бізді Google-дың негізгі дереккөздер тізіміне қосыңыз

Қосу

Путиннің өкілі АҚШ-та Мәскеу позициясы бұрмаланып жатқанын айтты

Соңғы жаңалықтар