Путиннің сөзі Трамптың ашуын келтірді
АҚШ президенті Дональд Трамп Ресей президенті Владимир Путиннің Украина басшысы Владимир Зеленскийдің беделін сынаған сөзіне қатты ашуланғанын мәлімдеді, деп хабарлайды POLITICO.KZ.
NBC News-ке телефон арқылы берген сұхбатында Трамп Путиннің Зеленский туралы айтқандары «орынсыз» екенін атап өтті.
«Путин Зеленскийдің беделін сынаған кезде мен қатты ашуландым, шынымды айтсам, бұл орынсыз болды», – деді Трамп.
Сонымен қатар, Трамп Ресей Украинадағы соғысты тоқтату бойынша келісімге келмеген жағдайда, Ресей мұнайына екінші деңгейлі тарифтер енгізетінін мәлімдеді.
«Егер Ресей Украинадағы қантөгісті тоқтатуға келіспесе, және мен бұған Ресей кінәлі деп санасам, Ресейден келетін барлық мұнайға 25%-дан 50%-ға дейін тариф енгіземіз. Бұл дегеніміз, егер сіз Ресей мұнайын сатып алсаңыз, онда АҚШ-пен бизнесті ұмыта беріңіз», – деді ол.
Сондай-ақ Трамп өзінің Путинмен «жақсы қарым-қатынаста» екенін, алайда оның әрекеттері дұрыс болмаса, бұл қатынастардың өзгеруі мүмкін екенін ескертті.
«Путин менің ашуланғанымды біледі. Бірақ ол дұрыс әрекет етсе, бұл ашу тез басылады», – деді Трамп.
АҚШ пен Ресей басшылары алдағы аптада тағы бір рет телефон арқылы сөйлесуді жоспарлап отыр.
Соңғы жаңалықтар
