Қарттар үйінде болған өрттен 20 адам қаза тапты

Қытайдың солтүстігіндегі Хэбэй провинциясында орын алған қайғылы оқиға салдарынан 20 адам көз жұмды. Бұл туралы POLITICO.KZ  Xinhua агенттігіне сілтеме жасап хабарлайды.

Өрт 8 сәуір күні жергілікті уақытпен шамамен сағат 21:00-де Чэндэ қаласына қарасты Лунхуа уезіндегі қарттар үйінде шыққан. Бұл туралы Oxu.Az порталы Xinhua агенттігіне сілтеме жасап хабарлады.

Алдын ала мәліметтерге сәйкес, 9 сәуір күні таңғы 03:00-ге дейінгі есеп бойынша, өрт салдарынан 20 адамның қаза болғаны расталды. Қалған егде жастағы тұрғындар шұғыл түрде жақын маңдағы ауруханаға жеткізіліп, оларға медициналық көмек көрсетілуде.

Жергілікті билік оқиға орнына құтқару және қалпына келтіру жұмыстарын ұйымдастыру үшін арнайы мамандар тобын жіберді. Өрттің нақты шығу себебі әлі анықталған жоқ, тиісті тергеу амалдары жүргізіліп жатыр.