"Қатал күйеу – Алланың сыйы": Марзия Бекайдардың айтқан сөзі қызу талқыға түсті

Фото: видеодан скриншот. Суретте: Марзия Бекайдар

Әлеуметтік желілерде діни коуч ретінде танымал Марзия Бекайдардың подкастынан алынған бір үзінді қызу талқылауға түсті, деп хабарлайды POLITICO.KZ

Тараған видеоға тек қазақстандықтар ғана емес, көршілес мемлекеттердің де желі қолданушылары алаңдаушылық танытты.

Әсіресе пікір қалдырған әйелдер тарапынан қатты наразылық байқалды.

Үзіндіде мынадай сөздер айтылады:

«Сені тәрбиелеп, саған қатал бола алатын күйеу — Алланың жіберген нығметі. Қатал мінезді күйеу — үлкен сый».

Бұл тұжырым қоғамда үлкен сынға ұшырап, пікір білдірушілер наразылықтарын жасыра алмады. Желідегі жазбаларда:

«Ересек әйелді біреу тәрбиелеуі керек дегенді қайдан шығарады?», «Мыналар не айтып отыр өзі?», «Өздерін алдап жүр», «Бұл қай ағым?», «Күйеу әйеліне керісінше мейірімді болу керек қой», — деген сынды пікірлер басым болды.

#діни коуч #коуч #күйеу #Марзия Бекайдар